المنحوس

كان فيه قردين ( محروس ومنحوس ) وكانت قدامهم حديقة بها شجرة موز .

في يوم من الأيام جاعوا فقالوا نروح نجيب شوية موز

أتفقوا إن محروس يطلع فوق الشجرة عشان يقطع الموز و يرميه لمنحوس

و منحوس واقف تحت يلم الموز و يراقب الطريق

و فجأة صاحب الحديقة آتى وكان معاه مساعدينه فقالهم

اضربوا القرد اللي تحت دة ( منحوس ) اللى عمال ياخد الموز

ويا عيني كلوه علقة سخنة و محروس أستنا لما مشيوا و نزل و القردين روحوا.

وتاني يوم جاعوا وراحوا نفس الحديقة وطلع محروس فوق ومنحوس تحت

وآتى صاحب الحديقة و معاه المساعدين

مسكوا مييييييييين طبعًا ( منحوس ) وبرضوا كلوه علقة سخنة ..... وروحوا.

وتالت يوم فيه المفاجأة

المرة دي جاعوا ولكن منحوس قال أنا لازم اللي أطلع فوق الشجرة و أنت يا محروس اللي تقف تحت

وافق محروس و وقف تحت

وكالعادة آتى صاحب الحديقة ومعه المساعدين و لسة هيضربو محروس

ولكن صاحب الحديقة قال لهم : ............ ......... ......... ......... ..

قال لهم :

اللي تحت ضربناه كتير أطلعوا بقى هاتوا اللي فوق دة كسرو عضمه............