نكت بس رخمه اوى

إيه هو الحيوان الأخضر الصغير اللي بياكل الزلط؟

هو ابن الحيوان الأخضر الكبير اللي بياكل الزلط .

**************

إيه هو عكس تلميذات؟

Don't tell me that

**************

ليه الثعلب تخين؟

علشان التعلب Fat fat

***************

- تعرف تقول لي فرقين بين الليمون والزيتون؟

1- فيه لمونادة وما فيش زيتونادة .

2- تقدر تقول الناس لاموني لكن ما تقدرش تقول الناس زاتوني .

**************

طب تعرف تقول 5 فروق بين البطة والوزة؟

1. تقدر تحلق شعرك زلبطة لكن ما تقدرش تحلقه زلوزة .

2. في رحاله اسمه ابن بطوطة لكن مافيش رحاله اسمه ابن وزوزة .

3. تقدر تبلبط في البحر لكن ما تقدرش تبلوز فيه .

4. كلنا نتغطى في الشتاء ببطانية لكن ما بنتغطاش بوزانية .

5. الوزة كانت زمان بطة لكن الشيطان وزها .

****************

طب تعرف تقوللي 5 فروق بين الفيل والنملة؟

1- رجل الفيل ممكن تنمل لكن رجل النمله مش ممكن تفيل

2- البيت ممكن يبقى فيه نملية لكن مش ممكن يبقى فيه فيلية .

3- تقدر تاكل سمك فيليه لكن مش ممكن تاكل سمك نمليه .

4- كل واحد له بروفيل لكن مالوش برونمله .

5- You can feel but you cannot namla

***************

5- ايه هو عكس زمان؟

THE WOMAN

**************

وليه الكتكوت ما بيعرفش يكذب على الفرخة؟

علشان هيه اللي فقساه

*************
بخيل سألوه "لو كنت بردان تعمل إيه؟" قال "أقرب من الدفاية"، قالوا له "و لو زاد البرد؟" قال "أقرب أكتر"، قالوا له "و لو زاد البرد أكتر و أكتر؟"، قال "أقرب أكتر و أكتر"، قالوا "و إذا البرد زاد أكتر و أكتر و أكتر؟" فقعد يفكر شوية و قال لهم "أشغل الدفاية"
_ليه السمك بيخاف من اتصالات؟

علشان أقوى شبكه.........

_طب ليه عملاء موبينيل هيدخلو الجنه ؟

علشان هما احسن ناس ...........

_وليه القطنه هتدخل معاهم ؟

علشان مدام نظيفه قالت القطنه مبتكدبش ........

_طيب ليه عملاء فودافون ما بيبردوش؟

علشان فودافون أقوى تغطيه .............

_امتى السما بتبقى لونها بتنجانى ؟

لما الدنيا تبقى مسقعه ..............

_ليه القطر مهم ؟

علشان تحتيه خطين.............

_ليه شندوتشات الكفته والبطاطس بتجرى ؟

علشان وجبات سريعه ..............

_ليه اليابان معندهاش حنان ؟

علشان فى قاره أسيا.................

_ليه البرازيل معندهمش تين ؟

علشان فى امريكا الاتينيه ................

_ليه الفيل بينزل البحر بالشورت الاحمر؟

علشان الشورت الاخضر مش نضيف.............

_ ليه الصعيدى بيحط جنبه منبهين ؟

علشان واحد يضرب والتانى يحوش...............

» نكت بس رخمه اوى اوى اوى
» نكت رخمه بس مش اوى